Presidenti ukrainas, Volodymyr Zelensky, mund të shfaqet përmes një videoje, drejtpërdrejt ose të regjistruar, në ceremoninë e ndarjes së çmimeve Oscar.
Lajmin e bën të ditur “New York Post”, duke saktësuar se debati që vijon është nëse ceremonia duhet të mbetet apo jo politike.
ABC, që transmeton ceremoninë, është në favor të dhënies së hapësirës liderit ukrainas, i cili është gjithashtu ish-aktor. Paraqitja e tij do të kishte një jehonë globale, përtej asaj që ka pasur tashmë nga turnetë në parlamentet perëndimore. Sipas gazetës, aktorja me origjinë ukrainase Mila Kunis, e cila së bashku me bashkëshortin e saj Ashton Kutcher mblodhën 35 milionë për refugjatët ukrainas, do të bëjnë një deklaratë politike gjatë ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
