Një zjarr i shpejtë i nxitur nga erërat e forta shpërtheu në afërsi të Athinës të hënën, duke djegur pemë, shtëpi dhe makina dhe duke detyruar evakuimin e spitaleve dhe të paktën 11 qyteteve dhe fshatrave, thanë autoritetet greke.
Më shumë se 560 zjarrfikës të mbështetur nga vullnetarë, 17 avionë ujëhedhës dhe 15 helikopterë luftuan zjarrin e fundit që shpërtheu në orën 15:00 të dielën pranë Varnavas 35 km (20 milje) në veri të kryeqytetit.
Të hënën në mëngjes zjarri u përhap drejt Jugut. Drejtimi i flakëve ka ndryshuar vazhdimisht nga erërat e forta.
“Megjithë një betejë të vështirë dhe përpjekjet mbinjerëzore gjatë natës, zjarri u përhap shumë shpejt dhe ka arritur në malin Penteli”, tha një zyrtar i zjarrfikësve.
Qindra zjarre kanë shpërthyer në të gjithë Greqinë që nga maji. Ndërsa zjarret e verës janë të zakonshme në Greqi, moti i nxehtë dhe i thatë i lidhur me ndryshimet klimatike i kanë bërë flakët më të shpeshta dhe më intensive, sipas shkencëtarëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
