Punonjësit e policisë së shtetit po i nënshtrohen së fundmi testit të lëndëve narkotike pas urdhrit të firmosur nga Drejtori i Përgjithshëm Gledis Nano.
Kësisoj dy punonjëse policie të patrullës së përgjithshme në Elbasan, të moshës 20-25 vjeçare, kanë rezultuar përdoruese të drogës teksa i janë nënshtruar testit të drogës. Lajmi konfirmohet zyrtarisht nga burime për MCN TV.
Në urdhrin për testin e drogës përcaktohet se çdo efektiv do t’i nënshtrohej dy analizave të gjakut dhe urinës me qëllim kryqëzimin e rezultateve për shmangien e ndonjë gabimi apo pasaktësie.
Përveç komisariateve të Tiranës testit i janë nënshtruar edhe disa efektiv të drejtorive vendore në Shkodër, Lezhë, Elbasan, Fier, Korçë dhe Vlorë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
