Opozita, 2 orë protestë dhe tensione. Basha: Jemi shumica dërrmuese (VIDEO/ FOTO)

Ka nisur prej orës 19, tubimi i protestuesëve për protestën e tetë me rradhë para Kryeministrisë.

Kërkesa kryesore e protestave të opozitës është largimi i kryeministrit Rama dhe hapja e rrugës për një qeveri tranzitore që do të garantojë zgjedhje të lira e të ndershme.

Partia Demokratike thotë se në Tiranë për protestën e 8 kombëtare të opozitës pritet të vijnë rreth 70 mijë protestues.

Sipas selisë blu numrat do të jetë më të mëdhenj nga 4 qarqet e veriut, pasi nga Shkodra, Lezha, Dibra dhe Kukësi priten të vijnë rreth 26 mijë protestues.

Shkodra- 9900 protestues

Kukësi- 4500 protestues

Dibra- 3900 protestues

Lezha- 7700 protestues

Në shifrat e mësipërme nuk përfshihen ata protestues të cilët vijnë me mjetet e tyre private në Tiranë.

Ndërkohë Policia e Shtetit, e vënë në alarm nga përdorimi i mjeteve piroteknike në protestat e mëparshme të opozitës, ka rritur vigjilencën këtë të shtunë duke kryer kontrolle të imtësishme.

Por kontrollet nuk po kursejnë as bazën materiale që opozitës i duhet për protestë.

Në Tiranë, efektivët e policisë bllokuan kamionçinën e të rinjve të Forumit Demokrat që po transportonte pankartat, tullumbacet, flamuj e vuvuzela.

Të rinjtë demokratë i janë afruar sheshit para kryeministrisë ku pritet të zhvillohet ehe protesta e 8 kombëtare e opozitës së bashkuar.

Të rinjtë shihet që në duar mbajnë një instalacion, sikur kryeministri Edi Rama dhe kryebashkiaku i Durrësit Vangjush Dako janë futur në burg.

Ndërkohë kontrolle të rrepta ka zhvilluar policia rrugore në Tiranë ndaj të gjitha automjeteve që kalojnë në perimetrin ku në 19:00 mbahet protesta e opozitës. Në bulevardin "Dëshmorët e Kombit", janë kontrolluar nga efektivët e policisë rrugore, edhe automjetet e mediave. Këto janë kontrolleve të rrepta pas sinjaleve për skenare dhune edhe në protestën e tetë kombëtare të opozitës joparlamentare kundër qeverisë.