3.9 për qind ishte norma e inflacionit në muajin shkurt, ndërsa edhe më e lartë parashikohet të jetë këtë muaj, si pasojë e rritjes së mëtejshme që kanë njohur çmimet, veçanërisht për produktet e shportës. Për këtë arsye qeveria do të indeksojë pensionet e 673 mijë pensionistë në masën e 3.3%, por janë vetë qytetarët që thonë se kjo ndërhyrje nuk përmirëson jetën e tyre.
Ka edhe nga ata pensionistë të cilët e shohin si gjë pozitive akordimin e kësaj ndihme nga qeveria,
Ekspertja e ekonomisë, Teuta Nunaj, thotë se kjo nismë e qeverisë për të zbutur pasojat për këtë shtresë nuk është diçka e re, por thjesht një afrim i periudhës në kohë të asaj që ishte planifikuar për buxhetin e vitit 2022.
Nunaj thotë se duke pasur parasysh krizën që pritet të thellohet në vijim, qeveria duhet të rishikojë paketat e ndihmës.
Fondi i vënë në dispozicion për të përballuar këtë indeksim është 3.3 miliardë lekë ose rreth 33 milionë dollarë. Vendimi pritet të miratohet në fund të këtij muaji dhe i nis efektet në muajin prill. Çka do të thotë se bashkë me pensionin për muajin prill pensionistët do të mund të tërheqin edhe shtesën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
