Bashkimi Evropian dhe Greqia kanë nënshkruar një marrëveshje për krijimin deri në shtator 2021 të një kampi të ri pritjeje për migrantët në ishullin Lesbos. Kampi i ri do të zëvendësojë atë në Moria i cili u shkatërrua nga një zjarr në shtator. Mbështetja e BE në menaxhimin e kampit të ri është e paprecedent dhe marrëveshja parashikon një ndarje të përgjegjësive midis Komisionit, autoriteteve greke dhe agjencive të BE.
Pas shkatërrimit të kampit Moria, më i madhi në Evropë, u organizua një strehim i përkohshëm në ishull, ku tani ndodhen më shumë se 7 300 azilkërkues, mes të cilëve fëmijë, invalidë dhe të sëmurë, të vendosur në çadra pa ngrohje dhe pa ujë.
Në kampin e ri "ne do të sigurojmë kushte të mira për migrantët dhe refugjatët dhe do të mbështesim banorët e ishullit", tha presidentja e Komisionit të BE, Ursula von der Leyen. Ajo theksoi nevojën për "procedura të shpejta dhe të drejta" për kërkesat e azilit. Për migrantët, "qendrat duhet të jenë vetëm një ndalesë e përkohshme para kthimit (në vendin e tyre të origjinës ose tranzitit) ose integrimit të tyre", shtoi ai.
Komisioni do të shpenzojë rreth 130 milion € për Lesbos dhe Chios. Muajin e kaluar, 121 milionë euro u ndanë për ndërtimin e tre kampeve më të vegjël në ishujt Samos, Kos dhe Leros. "Kjo marrëveshje është një hap i rëndësishëm për të siguruar që një situatë si ajo e Morias të mos përsëritet", shtoi Komisionerja Evropiane për Punët e Brendshme, Ylva Johansson.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
