Një grup zhytësish kanë gjetur në Meksikë atë që besohet se është sistemi më i madh i shpellave nënujore në të gjithë globin. Vendndodhja e tyre është qyteti bregdetar i Tulumit, dikur vend i populluar nga qytetërimi maja.
Zbulimi erdhi pas vitesh të tëra eksplorimi në tunelet nënujore të gadishullit të Jukatanit.
Ekipi i zhytësve zbuloi një kalim që lidh sistemin e shpellave Sac Actun (263 km) me atë të Dos Ojos (83 km).
“Kjo na lejon të kuptojmë shumë më qartë si u shfaqën ritualet, vendet e pelegrinazhit dhe përfundimisht vendbanimet e mëdha parahispanike", tha drejtori i Gran Acuifero Maya Project, Guillermo de Anda, për Reuters
Gadishulli i Jukatanit dominohet nga tempuj maja dhe relike të kohës së tyre. Mendohet se majat i përdornin puset e thella natyrore për ceremonitë sakrifikuese por edhe për udhëtimet mes qyteteve. Disa prej tyre kanë ruajtur domethënie kulturore dhe fetare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
