Smartfonët “Samsung” po dërgojnë foto te persona që ndodhen në listën e kontakteve, pa dijeninë e përdoruesve. Kompania thotë se po kryen verifikime pas këtyre raportimeve dhe dyshon se shkaku mund të jetë një përditësim i shërbimit të mesazheve, Samsung Messages.
Ajo që është më shqetësuese është fakti se kjo procedurë ndodh pa dijeninë e përdoruesit të smartfonit, në të cilin nuk mbeten as gjurmë. Konkretisht, fotot dërgohen te të tjerë, por në sektorin “Të dërguara” nuk shfaqet asgjë. E vetmja mënyrë nëpërmjet të cilës përdoruesi mund ta marrë vesh se foto të tij janë dërguar te dikush tjetër është nëse marrësi kthen përgjigje.
Përdorues të pajisjeve Galaxy S9, S9+ dhe Note 8 po ankohen në “Reddit” për këtë fenomen, duke përdorur edhe pak ironi: “A i shesin S9-at së bashku me një avokat divorci?”.
Përdoruesit e shqetësuar thonë se kompania duhet të garantojë që shërbimi Samsung Messages të mos akses në galerinë e fotove të telefonit.
Në një deklaratë, kompania tha: "Ne jemi të vetëdijshëm për raportimet në lidhje me këtë çështje dhe ekipet tona teknike janë punuar për ta zgjidhur. Konsumatorët e shqetësuar janë të inkurajuar të na kontaktojnë "
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
