Udhëheqësi i Koresë së Veriut, Kim Jong Un mori pjesë në testimin e një sistemi raketash të përmirësuar 240 mm, thanë media shtetërore të mërkurën.
Sistemi "provoi epërsinë e tij në lëvizshmëri dhe përqendrim të goditjes" gjatë testimit të inspektimit, tha agjencia shtetërore e lajmeve KCNA.
Në fillim të kësaj jave, Kim mbikëqyri testet e "dronëve të rinj vetëvrasës"dhe u kërkoi studiuesve të zhvillonin inteligjencën artificiale për automjetet pa pilot.
Zyrtarët e SHBA-së dhe Koresë së Jugut kanë akuzuar Korenë e Veriut se ka furnizuar Rusinë me predha artilerie, raketa dhe pajisje të tjera në muajt e fundit që Moska t'i përdorë në luftën e saj kundër Ukrainës.
Nga viti i kaluar deri më 4 gusht, Koreja e Veriut ka dërguar më shumë se 12,000 kontejnerë në Rusi, duke dërguar tre ose katër lloje predhash të madhësive të ndryshme duke përfshirë raketa, dhe veçmas ka furnizuar gjithashtu dhjetëra raketa me rreze të shkurtër veprimi, bën me dije ministri i Mbrojtjes së Koresë së Jugut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
