Në Ditën Ndërkombëtare të Romëve, organizatat e shoqërisë civile rome kanë dalë me një thirrje të përbashkët përpara Kryeministrisë, drejtuar Kuvendit të Shqipërisë, institucioneve qeveritare qendrore dhe vendore, organizatave kombëtare dhe ndërkombëtare që punojnë për të drejtat e njeriut, partive politike dhe medias. Sipas tyre, pavarësisht zhvillimeve pozitive në përmirësimin e legjislacionit dhe hartimin e politikave favorizuese për romët, zbatimi i tyre mbetet akoma sfidë e madhe, veçanërisht në nivel vendor.
Dita Ndërkombëtare e Romëve shënohet për të festuar kulturën rome dhe për të rritur ndërgjegjësimin për gjendjen e romëve dhe shkeljet e të drejtave të njeriut me të cilat popullsia rome ende përballet në mbarë botën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
