Ka nisur në ora 11:00 protesta e opozitës para kryeministrisë. Në foltoren para godinës së qeverisë janë ngjitur drejtues të Partisë Demokratike dhe përfaqësues të shtresave të ndryshme të shoqërisë, të cilët i janë bashkuar protestës së opozitës. Për rreth një orë e gjysëm, ka vazhduar protesta para godinës së Kryeministrisë ku dhe ka pasur incidente të vogla siç ishte përplasja mes një grupi të vogël protestuesish dhe policisë.
Kryetari i PD-së Lulzim Basha deklaroi se mosbindja civile ka nisur dhe nuk do të ndalet deri kur të shporret qeveria Rama- Meta. Ai artikuloi sërish kërkesën për zgjedhje të parakohëshme dhe krijimine një qeverie teknike. Më pas protestuesit janë drejtuar në sheshin para Ministrisë së Brendëshme ku dhe kanë djegur bunkerin e ndërtuar pak muaj më parë nga qeveria Rama. Protestuesit kanë hipur mbi bunker dhe kanë thyer dritaret e ministrisë së Brendëshme dhe asaj të Transporteve.
Mes turmës janë shfaqur her pas here drejtuesit e opozitës, Basha e Berisha dhe deputetë të kësaj partie. Situata ka vazhduar për më shumë se një orë e tensionuar ndërsa forca të shumta policie kanë rrethuar zonën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
