Sulm me armë në një universitet të Turqisë, 4 të vdekur e 3 të plagosur

Një person i armatosur ka hapur zjarr në universitetin e Eskisehir në Turqinë veriperëndimore, duke vrarë 4 persona dhe plagosur 3 të tjerë.

Agjencia e lajmeve Dogan raporton se policia ka kapur personin e armatosur, një anëtar të stafit të universitetit.

Sipas raporteve të mediave turke, viktimat janë një zëvendës dekan, një sekretar dhe dy pedagogë. 

Sulmuesi është një studiues në Universitetin Osmangazi të qytetit dhe është arrestuar menjëherë nga policia.

Për momentin nuk ka detaje të reja dhe motivi i sulmit të armatosur nuk është ende i qartë.

Sulmi ka ndodhur mesditën e së enjtes në Universitetin Osmangazi në qytetin Eskisehir dhe nuk dihen ende shkaqet e ngjarjes së rëndë.

Ngjarja e rëndë ka tronditur stafin dhe studentët e universitetit duke pësuar një tronditje të madhe për atë që ndodhi në Eskisehir .