Të paktën dy gjuetarë të rinocerontëve dyshohet se janë ngrënë nga luanët në një savanë në Afrikën e Jugut.
Mbetjet e tyre janë gjetur në një rrethim të luanëve në savanën e Sibuya, pranë qytetit juglindor të Kenton-on-Sea.
Aty u gjet një pushkë e fuqishme dhe një sëpatë.
Gjatë viteve të fundit, ka patur një rritje në gjuetinë në Afrikë, për të ushqyer kërkesën për brirët e rinocerontëve në Azi.
Në Kinë e Vietnam besohet se ka cilësi afrodiziake. Ushqimi afrodiziak përdoret me shekuj dhe zgjon dëshirën seksuale dhe vetë seksin e bën më të këndshëm, shkruan BBC.
Pronari i savanës së Sibuya, Nick Fox, tha në një deklaratë në faqen e Facebook se të dyshuarit hynë në brenda mbrëmjen e së dielës ose herët të hënën në mëngjes.
Nuk dihet ende nëse janë më shumë se 2 persona të përfshirë, prandaj zyrtarët kanë nisur hetimet.
Një ekip anti-egërsues arriti në vendin e ngjarjes, ku u gjet edhe një pushkë me silenciator, një sëpatë të gjatë dhe tela - pajisje të përdorura në përgjithësi nga gjuetarë të rinocerontëve.
Disa luanë duhej të qetësoheshin para se mbetjet e viktimave të mund të mereshin, shtoi Fox.
Policia ka qenë duke patrulluar zonën në rast se ndonjë nga vrasësit e dyshuar mbijetoi.
Nëntë rinoceronë u vranë nga luftëtarët në krahinën e Kepit Lindor, dhe më shumë se 7,000 janë vrarë në Afrikën e Jugut në dekadën e fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
