Aktivistët e Animal Rising vandalizuan portretin e ri zyrtar të Mbretit Charles III në një galeri në Londër këtë të martë, duke mbuluar kokën e monarkut britanik me fytyrën e personazhit Wallace, nga seriali vizatimor Wallace dhe Gromit.
Në një video të postuar në Platformën X nga grupi i të drejtave të kafshëve, dy aktivistë mund të shihen duke mbuluar kokën e mbretit me fytyrën e Wallace dhe me një mesazh duke denoncuar “trajtimin mizor” të kafshëve në fermat e certifikuara nga RSCPA, Shoqëria Mbretërore për Parandalimin e mizorisë ndaj kafshëve.
Portreti zyrtar i Charles është ekspozuar që nga mesi i majit në Galerinë Philip Mold në Londër. Nënshkruar nga artisti i njohur britanik Jonathan Geo, portreti tregon mbretin me uniformën ushtarake të Gardës Uellsiane në një sfond të kuq.
Portreti u porosit nga The Draper’s Company, një nga repartet tregtare historike të Londrës, në selinë e të cilit piktura do të ekspozohej më vonë. Animal Rising prezantohet si një organizatë paqësore, duke mbrojtur krijimin e një shoqërie ku njeriu “ndan një marrëdhënie pozitive me kafshët dhe natyrën”.
Së fundmi ajo ka publikuar një raport që denoncon “torturën e kafshëve dhe mizorinë e tmerrshme” në shumë ferma, të cilat janë të certifikuara nga RSCPA, dhe supozohet të garantojë kushtet e duhura të mbarështimit në objektet blegtorale.
Mbreti Charles III, një kampion për një kohë të gjatë i mjedisit dhe bujqësisë së qëndrueshme, është një sponsor i RSCPA. Vitin e kaluar, aktivistët e Animal Rising vodhën tre qengja nga Sandringham, pronë e monarkut në Norfolk, në mënyrë që të denonconin kultivimin e kafshëve për qëllime ushqimore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
