Ajo që ka ndodhur në institucionet fetare të Pensilvanisë është e frikshme. Më shumë se 1 mijë fëmijë janë abuzuar nga 300 priftërinj dhe njerëz të kishës. Rastet e abuzimit kanë ndodhur në 6 nga 8 dioqezat që ka gjithsej Pensilvania.
Prokurori i përgjithshëm i Pensilvanisë, John Shapiro, në një intervistë për NBC është shprehur se skandali nuk ka të bëjë thjesht me abuzimet seksuale, por edhe me faktin se ato janë mbuluar nga Vatikani, i cili ka qenë në dijeni.
“Kemi prova se Vatikani e dinte dhe i ka mbuluar abuzimet. Nuk mund të flas në mënyrë të veçantë për Papa Françeskun”, ka thënë ai.
“Ajo që kemi zbuluar dhe që është me të vërtetë e frikshme është fakti seliderët e kishës kanë gënjyer para besimtarëve në meshat e të dielës, kanë gënjyer publikun, i kanë mbrojtur këta abuzues, por kanë dokumentuar gjithçka dhe i kanë vendosur në arkivat vetëm pak hapa larg peshkopëve”,ka thënë Shapiro duke iu referuar punës që drejtësia amerikane ka bërë deri tani për të zbardhur skandalin e kishës në Pensilvani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
