Ndërkohë që qeveria në detyrë po përballet me koronavirusin, LDK ka nisur negociatat me partnerët për formimin e qeverisë së re. I nominuari për kryeministër nga radhët e LDK-së Avdullah Hoti, po zhvillon bisedime me zyrtarë të AAK-së, Nismës dhe minoriteteve.
“Besoj që kryeministri është duke i zhvillu negociatat edhe do të jetë afër krijimi i qeverisë së re”, thotë për televizionin publik të Kosovës, Gazmend Muhaxheri, nënkryetar i LDK-së.
Javën e kaluar, presidenti Hashim Thaçi deklaroi se shumë shpejt do të ketë hapa për formimin e qeverisëdhe heqjen e reciprocitetit me Serbinë, për t’i hapur rrugën nisjes së dialogut me Serbinë. Kjo deklaratë u mbështet menjëherë nga ambasadori Richard Grenell, i ngarkuari i presidentit Trump për dialogun Prishtinë-Beograd.
Por në Vetëvendosje mendojnë ndryshe. Pas deklaratës së Thaçit ka pasur paralajmërime nga VV se do të ketë rezistencë për të mos lejuar largimin e Kurtit nga posti i kryeministrit.
Albin Kurti është aktualisht kryeministër në detyrë. Dy muaj pasi kishte marrë drejtimin e vendit, kabineti i tij u shkarkua me anë të një mocioni mosbesimi të iniciuar nga LDK-ja, partneri kryesor në koalicion, i cili sipas Kurtit ka pasur edhe nxitjen e ambasadorit Richard Grenell.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
