Një tërmet i fortë tronditi pjesë të ishullit kryesor të Indonezisë, Java dhe ishullin turistik të Balit të premten, duke shkaktuar panik, por nuk ka raportime për dëme serioze ose viktima.
Shërbimi Gjeologjik i SHBA-së tha se tërmeti me magnitudë 7 ballë ishte me epiqendër 96.5 kilometra në veri të Tuban, një qytet bregdetar në provincën Java Lindore, në një thellësi prej 594 kilometrash.
Agjencia e Meteorologjisë, Klimatologjisë dhe Gjeofizikës e Indonezisë tha se nuk kishte rrezik për cunami, por paralajmëroi për pasgoditje të mundshme.
Vendi me më shumë se 270 milionë banorë goditet shpesh nga tërmete, shpërthime vullkanike dhe cunami për shkak të vendndodhjes së tij në harkun e vullkaneve dhe linjave të thyerjes në pellgun e Paqësorit të njohur si “Unaza e Zjarrit”.
Në vitin 2004, një tërmet jashtëzakonisht i fuqishëm në Oqeanin Indian shkaktoi një cunami që vrau më shumë se 230.000 njerëz në një duzinë vendesh, shumica e tyre në provincën Aceh të Indonezisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
