Debati i nisur dje në sallën e Parlamentit ka vijuar edhe në kafen e shumëkomentuar të kryeministrit Rama me tre deputetë të opozitës. Pranimi i studentëve në universitete dhe kultivimi i bimëve narkotike mësohet se kanë qenë dy temat e bisedës së zhvilluar mes Ramës dhe deputetëve demokratë në kafen e Parlamentit. Sipas “Panoramës”, ka qenë Rama ai që i është bashkuar tavolinës së deputetëve të opozitës.
Sipas burimeve, Dogjani i ka kërkuar sqarime Ramës për ngjarjen e ndodhur në shkollën e Bilajt, ku u helmuan katër nxënëse.
“Ty të është djegur hashashi në shkollë në Paskuqan. Pavarësisht se ti i komenton si propagandë ato që denoncojmë ne, ata nxënës në Paskuqan kanë qenë nën feketin e lëndëve narkotike. Kanabisi është djegur nëpër klasa. Ata nxënës janë edhe sot që flasim me dëmtime të rënda psikologjike. Ndëonëse analizat kanë dalë sikur ata nuk kanë qenë nën efektin e drogës, kjo ka ndodhur sepse analizat toksikologjike do të dilnin pozitive nëse ato do të ishin djegur boçet”, mësohet t’i ketë thënë Dogjani Ramës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
