Këshilltari i Sigurisë Kombëtare në SHBA, Jake Sullivan foli të martën për përjashtimin e mundshëm të Presidentit rus Vladimir Putin nga G20.
Mirëpo Kina kundërshton përjashtimin e Rusisë nga samiti i ardhshëm i G20, diçka që Shtetet e Bashkuara po shqyrtojnë pas agresionit rus ndaj Ukrainës.
“Rusia është një anëtare e rëndësishme(e G20, asnjë anëtar nuk ka të drejtë të përjashtojë një vend tjetër.
Kështu tha për mediat, Wang Wenbin, zëdhënës i Ministrisë së Jashtme kineze.
Kina deri më tani ka shmangur dënimin e agresionit rus ndaj Ukrainës, duke mos vendosur as sanksione.
Ndërkohë Perëndimi po përgatitet të miratojë sanksione të reja kundër Moskës në samitet e NATO-s, BE-së dhe G7 që do të mbahen të enjten, në Bruksel.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
