Rama: Shqipëria në solidaritet me Emiratet e Bashkuara Arabe

Kryeministri Edi Rama, ka reaguar në rrjetet sociale pas sulmeve iraniane ndaj Emirateve të Bashkuara Arabe. 

Në një postim në X, kreu i qeverisë shqiptare i cilëson ato si një kërcënim serioz jo vetëm për një shtet sovran, por për stabilitetin dhe paqen në të gjithë Lindjen e Mesme.

Kryeministri thotë se “Shqipëria qëndron në solidaritet të plotë dhe të palëkundur me udhëheqjen dhe popullin e Emirateve të Bashkuara Arabe. Siguria në Gjirin Persik nuk është një çështje lokale; ajo është një domosdoshmëri globale. 

Çdo përpjekje për ta destabilizuar atë kërcënon jo vetëm rrugët energjetike, korridoret tregtare dhe arkitekturën e brishtë të paqes rajonale, por edhe ekuilibrin më të gjerë të sigurisë ndërkombëtare.”

Ai bën thirrje për një përgjigje të qartë dhe në unitet nga komuniteti ndërkombëtar kundrejt këtij agresioni.