Ministri i Brendshëm, Saimir Tahiri, u shpreh i vendosur në gatishmërinë për të luftuar kultivimin dhe trafikimin e marijuanës në vend. Në përfundim të takimit me ambasadorin e OSBE-së në Tiranë, Borchardt, Tahiri tha qeveria aktuale ka bërë atë që nuk e ka bërë asnjë qeveri tjetër deri tani në luftën kundër kanabisit.
“Dua t’ju siguroj ju dhe publikun se beteja jonë me kanabisin është e vazhdueshme, nuk ka mbaruar dhe do të vazhdojmë me më shumë forcë dhe intensitet të bëjmë atë që askush nuk ka bërë më parë. Asnjë qeveri e të kaluarës nuk e ka bërë këtë, duke e lënë Shqipërinë të mbytur në kanabis dhe sot çirren duke sulmuar punën e policisë. Qeveria e kaluar që sot është në bunker as nuk fliste as nuk punonte për luftën kundër kanabisit. Përkundrazi, strukturat shtetërore i linin plantacionet të rriteshin. Historia jonë dallon qartë. Lufta kundër kanabisit ka nisur në vitin 2013”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
