Trump: Do të vendosim tarifa 10-25% për produktet e Kinës, Meksikës dhe Kanadasë

Presidenti i zgjedhur i Shteteve të Bashkuara të Amerikës Donald Trump bëri të ditur se menjëherë pas ardhjes së tij në pushtet më 20 janar nënshkrimi i tij i parë do të jetë një urdhër ekzekutiv për vendosjen e tarifave 10-25% për të gjitha produktet nga Kina, Meksika dhe Kanadaja. Sipas Trump aplikimi i tarifave të tilla do të aplikohet derisa këto tre vende të ndalojnë kalimin në Amerike të drogës veçanërisht fentanilit dhe emigranteve të paligjshëm.

Më 20 janar, në mesin e shumë Urdhrave të parë Ekzekutiv, unë do të nënshkruaj të gjitha dokumentet e nevojshme për të vendosur 25 për qind tarifë ndaj të gjitha produkteve nga Meksika dhe Kanadaja që hyjnë në Shtetet e Bashkuara. Ndërsa ndaj të gjitha produkteve të Kinës që vijnë në Shtetet e Bashkuara të Amerikës, ne do të vendosim një tarifë prej 10 për qind e cila nuk do të hiqet derisa ata të ndalin rrjedhën e drogës”

Pas kësaj deklarate të Trump, i menjëhershëm ka qenë edhe reagimi i ambasadës kineze në Uashington e cila tha se Kina nuk po e lejon me vetëdije rrjedhjen e fentanilit në Shtetet e Bashkuara të Amerikës dhe se askush nuk do të fitojë nga një lufte tregtare apo taksash.

Pekini  beson se bashkëpunimi ekonomik dhe tregtar Kinë-SHBA është reciprokisht i dobishëm në natyrë. Askush nuk do të fitojë nga një luftë tregtare apo një luftë taksash.

Ndërkohë për shumë eksperte ekonomie një zotim i tillë i Trump duket i parealizuar për shkak se në Shtetet e Bashkuara Kina eksporton 15% të produkteve të saj, ndërsa Meksika është partneri kryesor tregtar sipas marrëveshjes së njohur USMCA.

Ashtu si Trump edhe Bashkimi Europian ka propozuar për herë të parë goditjen e kompanive dhe individëve kinezë me ngrirjen e aseteve dhe kthimin e regjimit të vizave për shkak të bashkëpunimit të tyre me kompanitë ruse kundër Ukrainës. Ky propozim i unionit është pjesë e paketës së re të sanskioneve te propozuara rishtazi nga Bukseli.