Vendimin e Parlamentit shqiptar për të mos miratuar rezolutën e propozuar nga demokratët për dënimin e gjenocidit në Srebrenicë, redaktori i TRT World, Andulvehap Ejupi, e cilësoi një turp, që dëmton imazhin e Shqipërisë, por edhe Kosovën. Në një bisedë me Skype me studion e lajmeve, Ejupi tha se mosmbështetja e kësaj rezolute u shkon përshtat interesave të Serbisë.
Një vendim i tillë, një mosdënim zyrtar nga Parlamenti shqiptar e turpëron atë. Është një turp për njerëzimin në përgjithësi. Gjenocidi në Srebrenicë nuk është akt politik. Është cilësuar i tillë nga gjykata ndërkombëtare në Hagë dhe është pranuar ndërkombëtarisht. Kjo dëmton edhe procesin e Kosovës, e cila po përgatitet të iniciojë akuzën për gjenocid të Serbisë në Kosovë. Kjo e dëmton indin e etnisë. Është e turpshme dhe e dëmshme për Shqipërinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
