Për më se tre orë bashkëshortja e Aleks Nikës i vrarë në protestën e 21 Janarit ka dëshmuar në SPAK.
Në dalje të prokurorisë së posaçme ajo është shprehur se ka dhënë detaje të cilat nuk mund t’i bëjë publike.
“Dhashë fakte të reja që nuk mund t’i bëj publike”, tha Rajmonda Nika.
Ajo u paraqit në SPAK rreth orës 10.00 të ditës së sotme shoqëruar nga xhaxhai i bashkëshortit të ndjerë Mark Nika.
Ndërsa Rajmonda doli nga SPAK, Mark Nika vijon të dëshmojë.
Familjarët e Aleks Nikës pretendojnë se disponojnë një audio-përgjim i cili është publikuar në media, ku jepen urdhra për të qëlluar protestuesit. Lidhur me këtë video Rajmonda Nika tha se do e dorëzojnë një herë tjetër.
SPAK nisi hetimet për 21 Janarin, pak ditë më parë me urdhër të Gjykatës së Lartë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
