Portugalia, Spanja dhe Gjermania kanë ndërmarrë kufizime të reja udhëtimi në një përpjekje për të evituar përhapjen e variantit më ngjitës të Covid, atë Delta, i cili u zbulua për herë të parë në Indi.
Nga e hëna, britanikët e pavaksinuar që udhëtojnë në Portugali do të duhet të kalojnë karantinë të detyrueshme për dy javë, sipas një urdhri të botuar nga qeveria Portugeze.
Sipas rregullave të reja, kushdo që udhëton në Portugalinë kontinentale nga ajri, toka ose deti, do të duhet të provojë se është vaksinuar ose duhet të karantinohet.
Masa vjen pasi Kancelarja gjermane Angela Merkel kritikoi Portugalinë javën e kaluar për lejimin e turistëve britanikë për të udhëtuar, ndërsa varianti Delta po qarkullonte në Mbretërinë e Bashkuar.
Portugalia u bë vendi i parë i Bashkimit Evropian që njoftoi se varianti Delta tani ishte dominues në territorin e saj.
Spanja gjithashtu ka vendosur kufizime të reja për udhëtarët në Mbretërinë e Bashkuar. Duke filluar nga enjtja, njerëzit që mbërrijnë nga Britania në Ishujt Balearik do të duhet të provojnë se janë vaksinuar plotësisht kundër COVID-19 ose të tregojnë një test negativ PCR.
Gjermania po ashtu ka kufizuar hyrjen nga Portugalia e Rusia. Instituti Robert Koch klasifikoi të dy vendet si "zona me variant Delta".
Vetëm shtetasit gjermanë dhe ata që banojnë atje do të lejohen të hyjnë përsëri në vend me kusht që të kalojnë një karantinë të detyrueshme 14-ditore, madje edhe për ata që janë plotësisht të vaksinuar.
Masat do të hyjë në fuqi të Martën.
Franca javën e kaluar njoftoi se po shtonte Rusinë në "listën e saj të kuqe" të 21 vendeve që u nënshtrohen kufizimeve të ashpra të udhëtimit për shkak të shqetësimeve mbi rritjen e infeksioneve të koronavirusit.
Javën e kaluar, agjencia e BE-së për kontrollin e sëmundjeve paralajmëroi se varianti Delta mund të përbënte 90% të infeksioneve të reja të koronavirusit në Evropë deri në fund të Gushtit.
Varianti tani është përhapur në të paktën 85 vende të botës. Është vlerësuar të jetë 40-60% më i transmetueshëm se varianti Alpha, i zbuluar për herë të parë në Angli.
Pavarësisht shqetësimeve për variantin Delta, treguesit COVID-19 janë përmirësuar në pjesën më të madhe të Evropës javët e fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
