Risi për ata që përdorin WhatsApp për të komunikuar. Mark Zuckerberg njofton mbërritjen e mesazheve video të çastit në WhatsApp. Duke filluar nga sot, do të jetë i mundur regjistrimi dhe shkëmbimi i videove të shkurtra personale direkt në bisedat në WhatsApp. “Mesazhet zanore në WhatsApp kanë ndryshuar mënyrën se si njerëzit komunikojnë falë mundësisë për të dërguar direkt zërin e tyre shpejt dhe në mënyrë të sigurt. Ndaj me shumë entuziazëm ne njoftojmë evoluimin e kësaj veçorie në mesazhet e reja video të çastit. Tani mund të regjistroni dhe ndani video të shkurtra personale direkt në chat,” shpjegon grupi në një shënim. “Video-mesazhet janë një mënyrë për t'iu përgjigjur bisedave në kohë reale dhe për të thënë atë që dëshironi në 60 sekonda. Besojmë se do të jenë një mënyrë argëtuese për të ndarë momentet me gjithë emocionin që përcjellin videot, qoftë për të uruar ditëlindjen, për të qeshur me një shaka apo për të dhënë një lajm të mirë”, shtojnë drejtuesit e grupit. Dërgimi i një mesazhi video do të jetë po aq i thjeshtë sa dërgimi i një mesazhi zanor. Thjesht prekni numrin për të kaluar në modalitetin e videos dhe mbajeni shtypur për të regjistruar. Videot do të shfaqen automatikisht në bisedë pa zë. Për të aktivizuar audion, thjesht prek videon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
