Papa Françesku këtë të hënë është kërcënuar nëpërmjet një zarfi që ishte dërguar në adresën e tij, në brendësi të të cilit janë gjetur 3 plumba. Zarfi nuk mbërriti në Vatikan, ndërsa policia e sekuestroi atë.
Mediat italiane shkruajnë se zarfi me plumba u kap nga karabinierët e kompanisë San Donato të cilët kanë nisur hetimet së bashku me detektivët e njësisë hetimore të Milanos nën drejtimin e prokurores Alessandra Cerreti. Hetimet për këtë çështje kanë nisur, ndërsa dyshimet janë se letra u dërgua nga Franca pasi ishte e vulosur me një pullë postare nga përtej Alpeve. Dërguesi nuk ishte shkruar në zarf dhe emri i marrësit ishte shkruar me stilolaps me një dorëshkrim të lexueshëm. Më konkretisht, letra i drejtohej “Papës – Qyteti i Vatikanit, Piazza S. Pietro në Romë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
