Zyrtarët shëndetësorë të Guinesë kanë konfirmuar rastin e parë me Marburg të Afrikës Perëndimore, një sëmundje shumë infektive e cila është në të njëjtën familje me virusin që shkakton Ebola.
Virusi Marburg transmetohet te njerëzit nga lakuriqët dhe përhapet midis njerëzve përmes transmetimit të lëngjeve trupore.
Rastet janë jashtëzakonisht të rralla, por shpesh fatale me simptoma që përfshijnë dhimbje koke, ethe, dhimbje të muskujve, të vjella në gjak dhe gjakderdhje.
Ende nuk ekziston asnjë trajtim për Marburg por mjekët thonë se pirja e shumë ujit dhe trajtimi i simptomave specifike përmirëson shanset e një pacienti për të mbijetuar .
Mostrat e marra nga pacienti në Guinea, i cili ka vdekur, u testuan në laboratorët e vendit dhe rezultuan pozitiv për virusin Marburg
Drejtori i OBSH -së për Afrikën, Dr Matshidiso Moeti tha se virusi kishte potencialin të "përhapej në të gjithë vendin".
Por ajo vlerësoi "vigjilencën dhe veprimin e shpejtë hetimor nga punonjësit e shëndetit të Guinesë".
Tani po bëhen përpjekje për të gjetur njerëz që mund të kenë qenë në kontakt me personin që vdiq.
Përhapja e parë e Marburg ka qenë në Gjermani në vitin 1967 ku vdiqën shtatë persona.
Virusi vrau më shumë se 200 njerëz në Angola në 2005, shpërthimi më vdekjeprurës i regjistruar sipas OBSH.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
