Rikthimi i reshjeve me intensitet të lartë ka sjellë si pasojë përmbytjet në Shkodër. Në një lidhje Skype me edicionin e lajmeve në MCN TV, prefektja e Shkodrës, Majlinda Angoni, tha se rreth 3mijë hektarë tokë janë nën ujë. Situate paraqitet më e vështirë në Obot.
“Flitet për rreth 3 mijë hektarë. Në Obot është vështirësuar kalimi, bëhet vetëm me mjete lundruese. Gjadri ka pasur shtim të prurjes së ujrave. Ka rritje të lumit Kir, si rezultat i reshjeve. Ka rritje të nivelit të liqenit të Shkodrës, që e bën të pamundur lëvizjen e ujërave”, tha ajo.
Për Angonin, lajmi i mirë është reduktimi i sasisë së ujit që del nga kaskada e Drinit.
“Është pozitive që ka ulje të shkarkimeve të kaskadës së Drinit. Menaxhimi i kaskadës së Drinit, është mirë. Është ulur shkarkimi, 400 m3 sek. Nuk ka familje të evakuuara, ka sipërfaqe nën ujë. Situata është e vështirë, por e menaxhueshme. Po monitorojmë nevojat emergjente”, tha Angoni.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
