Reshjet e dendura të shiut kanë përmbytur tregun industrial të Gjirokastrës duke dëmtuar mallrat e tregtarëve.
Për ndërtimin e këtij tregu u hodhën 29 milionë lekë, por ndonëse kanë kaluar vetëm dy vite nga ndërtimi i tij, çfarë bie jashtë hyn brenda.
Kjo situatë është sa herë që nisin reshjet e shiut, ndërsa tregtarët thonë se janë taksapagues të rregullt, por askush nuk interesohet për t’iu ardhur në ndihmë.
Ndërhyrja është momentale por jo përfundimtare teksa dëmet materiale janë të shumta, ndërsa në treg operojnë 60 tregtarë.
Nga ana tjetër përgjegjësi i tregut, Uran Brahimi thotë se shkaku i kësaj është bllokimi i kanalizimeve dhe ulluqeve. Por ai ka refuzuar te jap me shume detaje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
