Holandezët eksperimentojnë turizmin anti-Covid në Greqi

Holanda do të kryejë eksperimentin e parë të turizmit të organizuar në kohë Covidi.

Me vendim të qeverisë holandeze, siç raportojnë mediat vendase, një grup turistësh do të udhëtojnë për pushime drejt Greqisë.

Udhëtimi do të nisë më 12 prill dhe është një iniciativë e industrisë së udhëtimeve. Grupi përbëhet nga 188 udhëtarë.

Ata do të qëndrojnë për tetë ditë në Rodos dhe nuk do të mund të largohen dhe as të lejojnë njerëz të tjerë të bëhen pjesë e tij.

Ata do të testohen si para ashtu edhe pas udhëtimit për të parë efikasitetin e masave në rastin e pushuesve ndërkombëtarë.