Janë quajtur heronj dhe ata që po i prijnë betejës kundër Covid. Si tinguj lufte i përjetuan mjekët e spitalit "Shefqet Ndroqi" edhe ritmet e këngëve popullore që pushtuan këtë të mërkurë ambientet e jashtme të këtij spitali.
Për disa minuta, stafi i spitalit uli vigjilencën dhe doli në ballkone për t’iu bashkuar ahengut që u stis me pjesëmarrjen e Asamblit të Këngëve dhe Valleve Popullore.
Siç duket, bluzat e bardha kanë lënë pas traumën që u shkaktoi hedhja nga ballkonet e 3 pacientëve me Covid.
Me muzikë u shoqërua edhe një video që kryeministri postoi në platformën ERTV për të treguar ndryshimin epokal që shëndetësia ka pësuar në qeverisjen e tij.
Për kryeministrin, këto pamje janë një përgjigje edhe për ata që thonë se shëndetësia dhe mjekët nuk kanë asnjë ndryshim nga gjendja e së shkuarës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
