Gjykata e Tiranës jep vendim për ish-inspektoren e Bankës së Shqipërisë , Elivar Golemi.
Ajo u akuzua për “shpërdorim detyre” pas zbulimit të skandalit të vjedhjes së 713 milionë lekëve.
Gjykata dha vendimin 2 vjet burg i cili do të konvertohet në 2 vjet shërbim prove si dhe për dy vjet nuk do të ushtrojë asnjë funksion publik.
Golemi u akuzua për shpërdorim detyre në skandalin e vjedhjes së 713 milionë lekëve nga arkat e bankës, vjedhje që u zbulua në korrik të vitit 2014.
Prokuroria kërkoi dënimin me 3 vite burg për të, por në fund gjykata vendosi dënimin me 2 vite burg, që u konvertua në dy vite shërbim prove dhe dy vite përjashtim nga ushtrimi i funksioneve publike.
Sipas Prokurorisë, Golemi, në rolin e kryeinspektores së bankës, nuk ka monitoruar si duhet lëvizjet në arkën e bankës, nga ku janë marrë nga punonjësi i bankës, Ardian Bitraj 713 milionë lekë.
Për këtë vjedhje u ndalua dhe u gjykua edhe ishguvernatori i Bankës së Shqipërisë, Adrian Fullani, i cili u shpall i pafajshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
