Disa persona janë vrarë dhe shumë të tjerë janë plagosur në një shperthim të fuqishëm me makinë- bombë. Shpërthimi ka ndodhur ne mwngjesin e sotëm në kryeqytetin e Afganistanit, në Kabul, afër pallatit presidencial dhe amabasadave të huaja, ka bërë të ditur policia.
Mësohet se 15 persona kanë humbur jetën, ndërsa rreth 300 të tjerë janë plagosur.
“Ishte një makinë-bombë afër Ambasadës Gjermane. Është e vështirë të thuhet se cili është objektivi i saktë", ka thënë zëdhënësi i policisë, Basir Mujahid.
Najib Danish, zëvendësi i zëdhënesit të Ministrisë së Brendshme, ka thënë se shpërthim ka qenë aq i madh sa që 30 automjete janë shkatërruar apo dëmtuar.
Deri më tash askush nuk e ka marrë përgjegjësinë për sulmin.
Shteti Islamik ka qenë përgjegjës për sulmet e fundit në kryqytetin afgan, duke përfshirë edhe një shpërthim të fuqishëm që synonte autokolonën e armatosur të NATO-s që vrau të paktën tetë pesona dhe plagosi shumë të tjerë.
Provinca e Kabulit ka aktualisht numrin më të madh të viktimave në tre muajt e parë të vitit 2017, si shkak i sulmeve të shumta në qytet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
