Një ditë pas bisedimeve të nivelit të lartë në Pekin, Presidenti i SHBA-ve Joe Biden e ka quajtur homologun e Kinës Xi Jinping diktator. Deklarata u bë gjatë pjesëmarrjes në një ngjarje për mbledhje të fondeve në Kaliforni. “Arsyeja pse Xi Jinping u mërzit shumë, për sa i përket kur e rrëzova atë balonë me dy kuti plot me pajisje spiunazhi brenda, ishte se ai nuk e dinte se balona ishte aty”, tha Biden. “Ky është një siklet i madh për diktatorët. Kur ata nuk e dinë se çfarë ka ndodhur”, shtoi ai. Ende nuk ka një reagim nga Pekini zyrtar. Dje sekretari amerikan i Shtetit, Antony Blinken, u takua me liderin kinez në Pekin për bisedime, që kishin për qëllim zbutjen e tensioneve midis dy superfuqive të botës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
