"Xhadat" trajtoi rastin e zonjës Liljana Bilo, 73 vjeç nga Kolonja e Lushnjës, e cila është diagnostikuar me paraplegji inferiore në qershor të vitit 2021 dhe që nga atëherë ajo qëndron e shtrirë në krevat, pasi është e paralizuar.
Në shtator të vitit 2021 Liljana doli në komision nga kempi Epror, por që nga atëherë ajo nuk mori asnjë përgjigje se çfarë u vendos për çështjen e saj.
"Kam disa muaj që qëndroj e shtrirë në krevat. U paralizova para 6 muajsh. U shtrova në Tiranë tek spitali i Neurologjise 1 muaj, por pastaj më nisën për tek spitali i Lushnjës Ihsan Cabej. Nga Lushnja përfundova në shtëpi, ku punësova një kujdestare, të cilën e paguaj vetë. Jam e dorëzuar sepse nuk kam marrë asnjë lekë deri tani. Nuk e di ku kanë ngecur letrat. Dola në komision ne shtator dhe e panë me kamera gjendjen time dhe ma mbyllen telefonin pa asnjë shpjegim”- thotë ajo.
“Xhadat” për t’i ardhur në ndihmë zonjës Liljana, e cila nuk mund të interesohet vetë në institucione, pasi është e paralizuar u drejtua tek kempi epror në Tiranë, ku mësoi se zonja e ka përfituar kempin, por s’e ka marrë akoma, pasi procedurat marrin kohën e tyre.
Punonjesja e KMCAP: “Zonja e ka përfituar kempin, por dosja është për procedurë për skanim. Nga dalja në komision, procedura zgjat 2 muaj, por rëndësi ka që Liljanja do ta marrë kempin që nga shtatori. Interesohuni pas ca kohësh tek njësia vendore, se aty do ta tërheqi kempin”.
Pasi morën lajmin e mirë, Xhadat ia komunikoi atë nënë Liljanës, e cila nuk nguroi të falënderonte emisionin për përpjekjen e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
