Kreu i shoqatës së biznesit të vogël dhe të mesëm, Bujar Muço, deklaratën e Kryeministrit Edi Rama i cili njoftoi një marrëveshje me Bankën e Shqipërisë për dhënien e kredive për të ndihmuar biznesin e sheh pozitivisht.
Duke folur për edicionin e lajmeve të MCN TV, ai deklaroi se kjo kredi nuk do e shërojë 100% biznesin, pasi flet për pandemi ekonomike, por thotë se është një serum që diçka mund të rigjenerojë.
Sipas tij, mbi 80% e biznesit të vogël dhe të mesëm operon me objekte me qira, dhe nuk ka kolateral, duke kërkuar që interesat e kreditimit të jenë më të ulëta dhe më afatgjata, në mënyrë që biznesi të ketë frymëmarrje.
Më mirë vonë se sa kurrë, Kryeministri mori parasysh ato kërkesa që ne i kërkojmë prej kohësh. Rezultatet e mungesës së ndihmës, kanë çuar në krizë dhe falimentim. Kjo është një gjë e mirë dhe dhëntë zoti të merret me seriozitet. Biznesi i vogël dhe i mesëm e ka emergjente këtë ndihmë dhe e ka të pamundur të kreditohet nga bankat e nivelit të dytë, sepse kërkohen kolateral.
Pika e dytë është se normat e interesit të bankave për kreditimin e biznesit, janë aq të larta, sa biznesi e ka të pamundur të marri këto para. Ndaj e kam thënë se ndërhyrja themelore duhet të jetë kreditimi. Politika ekonomike nuk e ka ndihmuar fare fermerin si nga financimet nga ana e shtetit, por janë bllokuar dhe fondet e BE të IPARD. Në momentin që nuk ka garanci nga ana e shtetit me bankat për uljen e interesit, që të jetë efikas për biznesin, se bankat kanë procese burokratike që biznesi të operojë.
Mbi 80% e biznesit të vogël dhe të mesëm operon me objekte me qira, dhe nuk ka kolateral. Duhet që interesat e kreditimit duhet të jenë më të ulëta dhe më afatgjata, në mënyrë që biznesi të ketë frymëmarrje. Skema e re synon të mbulojë deri në 70% të kolateralit. Kjo përqindje duhet të ishte më e madhe se në kapitalin që ka biznesi i vogël është shifër e paktë. Por më mirë vonë se sa kurrë dhe më mirë pak se sa fare. Kjo kredi nuk themi se do e shërojë 100%, se është pandemi ekonomike, por është një serum që diçka mund të rigjenerojë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
