Zelensky në Londër, pritet nga kryeministri Starmer: Qëndrojmë krah Ukrainës  

<p>Presidenti ukrainas, Volodymyr Zelensky, ka mbërritur në Londër, ku është pritur nga kryeministri Keir Starmer.</p> <p>Kryeministri britanik ka përsëritur mbështetjen e Mbretërisë së Bashkuar për Ukrainën, duke thënë se "<em>ne qëndrojmë me Ukrainën për aq kohë sa mund të duhet</em>".</p> <p>Starmer ka shprehur "vendosmërinë e palëkundur" të Britanisë për të arritur një paqe të qëndrueshme për Ukrainën.</p> <p>Starmer e përshëndeti liderin ukrainas me një shtrëngim duarsh dhe e përqafoi ndërsa të dy pozuan për disa foto. “<em>Si për kujtesë, vizita e Zelensky vjen një ditë pasi ai u takua me Donald Trump në Shtëpinë e &nbsp;Bardhë - dhe disa ditë pasi vetë Starmer u takua me presidentin amerikan</em>”, raporton BBC.</p> <p>Zelensky pritet të takohet edhe me mbretin Charles. Takimi është planifikuar për nesër në mëngjes, sipas burimeve të pallatit të cituara nga BBC.</p>