Asambleja e së shtunës e Partisë Socialiste ka prodhuar ndryshime të rëndësishme në drejtimin e strukturave të saj, ndërsa fokusi kryesor ishte nisja e përgatitjeve për zgjedhjet vendore të vitit 2027.
I ftuar në ‘MCN Informacion’, avokati Gylsen Zhllima komentoi zhvillimet brenda PS-së, duke theksuar se lëvizjet e fundit tregojnë një strategji më të gjerë politike.
Rama po bën gati makinerinë për zgjedhje, madje edhe për skenarë të zgjedhjeve të parakohshme.
Sipas tij, funksionimi i brendshëm i Partisë Socialiste paraqet probleme serioze, duke e krahasuar madje negativisht edhe me Partinë Demokratike.
Grupet në PS funksionojnë më keq se grupet e PD-së. Nuk kemi të bëjmë me një parti që ndërtohet mbi struktura demokratike.
Zhllima shtoi se konfliktet brenda PS-së janë të natyrës së brendshme dhe lidhen drejtpërdrejt me mënyrën e drejtimit të partisë nga Rama.
PS është kthyer në një parti individuale. Rama e identifikon veten me partinë dhe u tregon strukturave se ai është gjithçka.
Ai kritikoi gjithashtu mënyrën e zhvillimit të Asamblesë, duke nënvizuar mungesën e debatit të brendshëm.
Kur flasim për asamble, flasim për një organ kolegjial, por aty foli vetëm Rama dhe jo anëtarët.
Në analizën e tij, ai ngriti akuza edhe për ndikimin e drejtësisë, duke pretenduar se ajo përdoret politikisht.
Drejtësia e Ramës e bëri AKSHI-n organizatë kriminale. SPAK është vegël e PS-së.
Duke u ndalur te situata në Tiranë, Zhllima komentoi edhe çështjen e Erion Veliajt, duke thënë se burgimi i tij mund të ketë ndikuar në balancat e brendshme.
Burgimi i Veliajt e ka ndihmuar Ramën, pasi ai është më i qetë në kontrollin e partisë
Sipas Zhllimës, kandidatura për Tiranën do të jetë vendimtare dhe do të kalojë përmes filtrit të kryeministrit.
Emri që do të garojë për Tiranën duhet të ketë miratimin e Ramës, pasi ai do të ketë ndikimin kryesor.
Ai shtoi se kryeqyteti mbetet një bastion kyç për socialistët.
Rama ka nostalgji për Bashkinë e Tiranës. Nëse e humbet, humbet gjysmën e vetes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
