Nënvarianti i Omicron 1.5 herë më ngjitës, përhapet me shpejtësi në SHBA

Shkencëtarët po vëzhgojnë nga afër llojin BA.2 të variantit Omicron që është përhapur në heshtje në të gjithë Shtetet e Bashkuara.

BA.2 tani është zbuluar në më shumë se 30 shtete dhe përbën rreth 3.9 për qind të infeksioneve të reja dhe duket se po dyfishohet shpejt, sipas të dhënave të Qendrave për Kontrollin dhe Parandalimin e Sëmundjeve.

Nëse dyfishohet përsëri në 8 për qind, kjo do të thotë se jemi në fazën e rritjes eksponenciale dhe mund të shikojmë një valë tjetër të Covid-19 që vjen në SHBA.

BA.2 besohet të jetë shumë më ngjitës se lloji i mëparshëm Omicron. Megjithatë, frika për një valë tjetër Omicron në Shtetet e Bashkuara mund të shmanget duke pasur parasysh shkallën e vaksinimit dhe imunitetit nga infeksionet e mëparshme.

Nathan Grubaugh, një profesor i asociuar i epidemiologjisë në Shkollën e Shëndetit Publik të Yale, i tha NPR se ka më shumë të ngjarë të çojë në një zvarritje të gjatë sesa një rritje të re.

Shkencëtarë të tjerë paralajmërojnë se heqja e përdorimit të maskës do të lejojë që lloji i ri të përhapet.  BA.2 konsiderohet një version "më i fshehtë" i Omicron sepse tipare të veçanta gjenetike e bëjnë disi më të vështirë zbulimin.

Shkencëtarët danezë raportuan këtë javë se informacionet paraprake sugjerojnë se mund të jetë 1.5 herë më ngjitës se varianti origjinal.

SHBA ende po regjistron rreth 100,000 raste të reja dhe 2,000 vdekje në ditë nga rritja e Omicron.