Policia e Tiranës ka arrestuar një 29-vjeçar i cili ka goditur forcat e policisë duke refuzuar kontrollin e ushtruar.
29-vjeçari me iniciale E.A., është arrestuar nga policia në rrugën “Ndre Mjeda” pasi ka refuzuar kontrollin nga efektivi i policisë.
Në kuadër të kontrollit dhe monitorimit të automjeteve dhe dokumentacionit, policia ka arrestuar edhe 5 shtetas të cilët qarkullonin me pa dokumentacionin e nevojshëm dhe në gjendje të dehur.
Janë vënë në prangat e policisë shtetasit:
A. N., 48 vjeç, pasi në rrugën “Demokracia”, u kap duke drejtuar mjetin pa lejen përkatëse;
E. B., 26 vjeç, G. I., 36 vjeç, A. B., 46 vjeç, dhe E. B., 32 vjeç, pasi janë kapur në flagrancë nga shërbimet e Policisë duke drejtuar mjetet përkatëse në gjendje të dehur.
Nga Seksioni për Hetimin e Korrupsionit u procedua në gjendje të lirë, për veprën penale “Korrupsioni pasiv i personave që ushtrojnë funksione publike”, shtetasi S. Xh., 22 vjeç, me detyrë administrator në godinat e Qytetit Studenti, sepse i ka marrë një shumë parash një studenti, për regjistrimin në një nga këto godina.
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme hetimore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
