Me qëllim gjetjen dhe sekuestrimin e provave që lidhen me procedimin ndaj Ilir Beqajt për dosjen e SASPAC, Prokuroria e Posaçme ka ushtruar një kontroll të papritur këtë të mërkurë në Vlorë.
Banesa ku është shkuar për kontroll ishte marrë me qira nga Beqaj në vitin 2020, ndërsa ka qenë e kyçur në momentin e mbërritjes së oficerëve të policisë gjyqësore.
Në këto rrethana është njoftuar mbrojtja e Beqajt, teksa avokati Ermal Yezeiraj nuk ka pranuar të shkojë pasi në dijeni e tij nuk është e lidhur aktualisht kjo kontratë qiraje.
Kërkesa e bërë nga prokurorja e posaçme Elida Kaçkini është miratuar të mërkurën nga GJKKO, ku lejon kontrolle edhe në një garazh apo ambiente ndihmëse të këtij apartamenti.
Ish-ministri i Shëndetësisë u arrestua më 4 korrik me kërkesë të Prokurorisë së Posaçme, i akuzuar për abuzim me fondet e Bashkimit Evropian, kur drejtonte Agjencinë Shtetërore të programit strategjik dhe koordinimit të ndihmës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
