Maxhoranca ka rrëzuar sot një tjetër dekret të presidentit Meta. Në mbledhjen e Komisionit të Ligjeve, me shumicë votash është rrëzuar dekreti për ligjin për Pushtetin Vendor.
Më 16 korrik, kreu i shtetit ktheu për rishqyrtim në Parlament ligjin “Për vetëqeverisjen vendore”. Në argumentimin e Presidencës kërkohej rishikimi i dy neneve të ligjit.
Në relacionin e Presidentit, thuhej se ndryshimet ligjore cenojnë procesin vendimmarrës së Këshillave Bashkiake në lidhje me tjetërsimin e pronave të tyre.
Sipas presidentit nenet 3 dhe 4 të ligjit nr. 38/2019 krijojnë hapësira që bëjnë të mundur të ulet niveli vendimmarrës i kontrollit të organit kolegjial të këshillit bashkiak ndaj propozimeve dhe veprimtarisë të organit ekzekutiv të kryetarit të bashkisë, çka krijon mundësi që zhvillimi i pronave të shtetit në bashkëpunim me persona të tretë të realizohet përkundrejt përfitimeve për shtetin që nuk përkojnë me kërkesat e ligjit, me realitetin dhe me kushtet që ofron tregu.
Tre ditë më parë, Komisioni i Ekonomisë rrëzoi 4 dekrete të tjera të Presidentit Ilir Meta: dekretin për privatizimet, për koncesionin e rrugës Orikum-Dukat, koncesionin për rrugën Milot-Balldren, atë ‘Për koncesionet dhe partneritetin publik privat’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
