Gjuetarët e alienëve duhet të bëhen gati për vitin 2028, kur një ngjarje e rrallë pritet të ndodh, e cila mund të ofrojë një mundësi ideale për të gjetur dëshmi të jetës në planetet tjera.
Observatori Jugor Evropian ka parashikuar një ngjarje të rrallë gravitacionale, në të cilën planetet e ngjashme me Tokën do të sillen rreth yjeve afër sistemit tonë diellor.
Parashikimi vjen pak pasi astronomët njoftuan për zbulimin e Proxima B – një planeti të ngjashëm me Tokën i cili mund të përmbajë jetë jashtëtokësore, transmeton Gazeta Express.
Parashikimi është i bazuar në trajektoret e Alpha Centauri A dhe B – një palë yje që lëvizin me shpejtësi në sistemin më të afërt diellor me tonin.
Duke përdorur të dhëna të reja dhe arkiv, hulumtuesit parashikuan lëvizjen e yjeve gjatë 34 viteve të ardhshme. Më 2028, një ngjarje gravitacionale, nga e cila drita nga një objekt në distancë do të lakohet nga yjet e afërta përmes fushave të tyre gravitacionale, do të ofrojë mundësinë për t’i parë planetët në sistemin më të afërt diellor.
Ky fenomen ishte parashikuar nga Ajnshtajni në Teorinë e tij të Përgjithshme të Relativitetit më 1916.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
