Ura mbi Lumin Mat në aksin e vjetër rrugor Lezhë-Milot, shumë shpejt pritet të ketë fatin e asaj të zogut.
E ndërtuar në vitin 1987, kjo urë rrezikon seriozisht shembjen. Këmbët e saj kanë dalë në sipërfaqe dhe janë anuar në disa vende, ndërsa hapësirat mes trarëve lidhës janë zgjeruar duke vështirësuar lëvizjen e automjeteve.
Reshjet e fundit të shiut e kanë përkeqësuar edhe më tej situatën, teksa banorët e zonës thonë se nga shfrytëzimi pa kriter i lumit për inerte, nuk do të jetë e largët dita kur kjo urë mund të shembet plotësisht.
I kontaktuar për këtë çështje prefekti i Lezhës Gjergj Prendi, thotë se institucioni që ai drejton përmes shkresave ju ka përcjellë shqetësimin institucioneve qendrore, por deri tani asnjë masë nuk është marrë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
