Një 60-vjeçar humbi jetën mëngjesin e sotëm në Tiranë, pasi apartamenti ku jetonte u përfshi nga flakët. Ngjarja ndodhi rreth orës 04:40, në rrugën “Ramazan Demneri”, në një apartament në katin e tretë.
Nga zjarri i rënë, si pasojë e asfiksisë dhe djegies ka ndërruar jetë Lulëzim Canaj, rreth 60 vjeç person me aftësi të kufizuara.
Mësohet se 60-vjeçari vuante nga një sëmundje e rëndë dhe e kishte të pamundur të lëvizte.
Policia dhe zjarrfikësit kanë mbërritur menjëherë në vendngjarje dhe kanë bërë evakuimin e menjëhershëm të banorëve. Dy prej tyre janë dërguar në spital si pasojë e asfiksisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
