Nisin hetimet për kryengritje ndaj Presidentit të Koresë së Jugut 

Policia e Koresë së Jugut po heton presidentin Yoon Suk Yeol për "kryengritje" pas shpalljes prej tij të ligjit jetëshkurtër ushtarak.

Zyrtarët ushtarakë janë marrë në pyetje nga deputetët.

Ata bëjnë me dije se dinin pak për planin, me zëvendësministrin e mbrojtjes që tha se e mësoi atë nga lajmet.

Më herët presidenti Yoon pranoi dorëheqjen e ministrit të mbrojtjes Kim Yong-hyun, i cili kërkoi falje për rolin e tij në lëvizjen tronditëse të së martës mbrëma. Yoon nuk ka folur publikisht që kur një votim urgjent në Parlament herët të mërkurën e detyroi atë të anulojë vendimin e tij dhe është nën presion për të dhënë dorëheqjen.

Partitë opozitare kanë paraqitur një mocion për shkarkimin e tij, i cili tani pritet të hidhet në votim të shtunën. Mocioni i opozitës ka nevojë vetëm për mbështetjen e tetë deputetëve të partisë në pushtet, por partia e Yoon thotë se do të bllokojë përpjekjet për ta detyruar atë të largohet nga pushteti.