Gjykata e Apelit të Krimeve të Rënda ka caktuar sot masën e sigurisë ‘arrest shtëpie’ për Dashamir Xhikën, ish-drejtori i ARRSH.
Xhika u akuzua për abuzime me fondet e rrugës Tiranë-Elbasan si dhe për atë të Gjinarit, ndërsa bashkë me Andi Tomën, ish-Drejtor i Rrugëve dhe disa zyrtarë, u arrestuan më 2 shkurt të këtij viti.
Arrestimet u kryen pas hetimeve të nisura nga prokuroria e Elbasanit më 11 prill 2017 për veprat penale "vjedhje dhe shpërdorim detyre". Ndërkohë në dhjetor 2017, Ministri i Energjetikës dhe Infrastrukturës Damian Gjiknuri paditi në prokurori, Damian Gjiknuri për shkelje në zbatimin e kontratave për ndërtimin e rrugës Tiranë-Elbasan.
Ndaj tij rëndon akuza e shmangies së Bordit, si dhe përftimi i 35 milionë dollarëve pa një studim.
Dashamir Xhika ka drejtuar këtë sektor nga viti 2013 deri në shtator 2017.
Aksel Qurduka, ish-Drejtor i Njësisë së Menaxhimit të Projektit të rrugës Tiranë-Elbasan dhe Albens Alite, ish-Drejtor i Njësisë së Menaxhimit të Projektit të Rrugës Tiranë-Elbasan, pranë Autoritetit Rrugor Shqiptar, Tiranë ndodhen në "arrest me burg" që prej momentit të arestimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
