“Ndotja nuk njeh kufij, çdo gjë do të na kthehet mbrapsht”. Ish-zv.kryeministrja e Sllovenisë: Tri strategjitë për një botë më të pastër  (VIDEO)

<p>Violeta Bulc, ish-zv.kryeministre e Sllovenisë, ndodhet në Tiranë për një konferencë mbi Ndërtimin e Sistemeve të Energjisë me Rezistencë ndaj Klimës. Në studion e MCN Informacion, ajo tha se të gjitha projektet e zhvillimit duhet të marrin parasysh ndryshimet klimatike.</p> <blockquote> <p><em>Ndryshimi klimatik është më kryesor në të gjithë botën. Të ndërgjegjësojmë njerëzit dhe të ftojmë komunitetet për të ndërvperuar është objektivi ynë. Tjetra është të fitojmë vëmendjen e medias për të shkuar më lehtë te njerëzit. Në rang rajonal ne duhet të krijojmë lidhje me njëri-tjetrin, të krijojmë një dinamikë energjike të bazuar mbi nevojat dhe rigjenerimin e burimeve të energjisë. </em></p> <p><em>Një fakt që do ta sjell është varfëria energjetike. Në Shqipëri kemi 37% varfëri energjetike. E tillë është kur qytetarët nuk kanë mundësi të paguajnë energjinë. Po flasim për një numër goxha të madh shqiptarësh, 37%. 30% e energjisë vjen nga importi. Shqipëria ka nevojë për një miksim të sistemit energjetik. Zhvillimi i qëndrueshëm në çdo lloj projekti duhet të marrë parasysh ndryshimet klimatike. </em></p> <p><em>Shqipëria është e detyruar të përshtatet dhe të zhvillojë mekanizma përmirësimi. Bujqësia nuk mund të zhvillohet siç është zhvilluar deri tani në Shqipëri. Shqiptarët duhet ta menaxhojnë më mirë ujin. Projektet e reja duhet të jenë të qëndrueshme dhe të kenë parasysh ndryshimet klimatike. Shqipëria duhet t’i parashikojë. </em></p> <p><em>Ne punojmë në struktura vertikale. Por asnjë zgjidhje nuk mund të vijë në këtë mënyrë. </em></p> <p><em>Ndryshimet klimatike nuk përballohen si individ. Politikanët, ligjvënësit, organizatat, shkenca e komunitetit, të gjitha duhet të mblidhen bashkë dhe të dialogojnë si mund të gjejnë zgjidhje duke pasur parasysh ndryshimet klimatike. &nbsp;</em></p> </blockquote> <p>Duke u ndalur te eksporti i mbetjeve, Bulc tha se janë tri strategjitë që duhen ndjekur, fillimisht për një botë më të pastër dhe një vend më të pastër.</p> <blockquote> <p><em>Le të jemi të qartë. Kemi krijuar një sasi të madhe mbetjesh nga industria. Ndaj impakti në planet po rritet. Na duhet menaxhim efektiv. Ndaj duhen tre strategji: ekonomia rrethore, që minimizon mbetjet. </em></p> <p><em>E dyta është menaxhimi i ekonomisë rigjeneruese. Kjo na ndihmon të kthejmë tokën dhe ujin e ndotur në formën origjinale. </em></p> <p><em>E fundit ekonomia e burimeve të kufizuara. </em></p> <p><em>Përgjigjja ime është e qartë: nëse eksportojmë mbetje, gjithçka do të na kthehet në fytyrë. Do të vijë sërish sepse të gjitha oqeanet janë të ndotura. Nëse ndotim ajrin, era do të na e sjellë këtu sërish. Le ta kuptojmë më në fund se ndotja dhe ndryshimi klimatik nuk njohin kufij ndaj duhet të gjejmë përgjigje kolektive. &nbsp;</em></p> <p>&nbsp;</p> <p>&nbsp;</p> <p>&nbsp;</p> </blockquote> <p>&nbsp;</p> <iframe width="560" height="315" src="https://www.youtube.com/embed/odXOjhL4eRw?si=0K0xiSiay3TlYkkI" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>