Presidenti ukrainas Volodymyr Zelensky ka folur në Asamblenë e Përgjithshme të Kombeve të Bashkuara. Ai filloi duke akuzuar Rusinë se ka ndezur “turbulenca katastrofike” për Ukrainën dhe botën me luftën e saj të paligjshme.
“Një krim është kryer kundër Ukrainës dhe ne kërkojmë dënim të drejtë. Është kryer një krim kundër kufijve tanë shtetërorë, ndaj jetës së njerëzve tanë”, u tha ai përfaqësuesve nga 193 vende në Asamblenë e Përgjithshme vjetore të OKB-së.
Ai është i vetmi lider botëror që i drejtohet dhomës nga distanca, në një mesazh të regjistruar paraprakisht.
Fjalimi i tij vjen vetëm disa orë pasi presidenti rus Vladimir Putin bëri një fjalim televiziv kombëtar, duke njoftuar se rezervistët do të thirren për të ndihmuar në përpjekjet luftarake të Rusisë.
Duke shfaqur bluzën e tij jeshile me firmë në videon e tij, Zelensky falënderoi 101 vendet në OKB, të cilat votuan për ta lejuar atë t'i drejtohej asamblesë në një video dhe jo personalisht.
Ai sulmoi shtatë vendet, përfshirë Rusinë, të cilat votuan kundër paraqitjes së tij në video, dhe kritikoi ato që kanë mbetur neutrale gjatë konfliktit.
Pavarësisht sugjerimit të Zelensky se Rusia nuk ishte serioze për negociatat, të dy vendet përfunduan një shkëmbim të madh të të burgosurve të luftës të mërkurën.
215 luftëtarë u kthyen në anën ukrainase, duke përfshirë 10 të huaj - ndërsa Rusia priti 55 ushtarë dhe politikanin pro-rus Viktor Medvechuk, i cili u përball me akuza për tradhti në Ukrainë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
